سەرۆکاتیا زانکۆیا زاخۆ ڕێز و سوپاسی ئاراستەیی مامۆستایەکا زانکۆیێ کر

Published Date: Wednesday, 17 December 2025, 02:48

ڕۆژا دووشەمبێ ڕێـککــەفتی (٢٠٢٥/١٢/١٥) ل ئاڤاهیێ سەرۆکاتیا زانکۆیا زاخۆ ڕێزدار (پ.د. دیار عبدالکریم سعید) سەرۆکێ زانکۆیێ و ب ئامادەبوونا خانم (پ.هـ.د. دیار احمد بلیج) ڕاگرا کۆلیژا زانست، ڕێز و سوپاسی ئاراستەیی مامۆستایا پشکا کیمیا ل زانکۆیا زاخۆ خانم (سمیرە شکر محمد امین) کر، ژبەر وی خەلاتێ داهێنانێ ئەوێ ب مامۆستایێ هاتیە دان ل وەڵاتێ ئەمریکا.
هەژیە بێژین؛ مامۆستا (سمیرە) شیایە چەند ماددەیێن نانۆیی یێن دوستێن ژینگەهێ و ب سڵامەت ئامادە بکەت و د بیاڤێ پێشەسازیا پزیشکی دا بکاربینیت،  ئەڤ چەندە ژی وەکو داهێنانەک هاتیە تومارکرن ل دەزگەهێ ئەمریکی بۆ داهێنانان (US patent) و ژلایێ وان ڤە خەلاتێ داهێنانێ ب مامۆستایا ناڤبری هاتیە دان.